Дўконни ижарага бериш
15:54 / 04.04.2019 | Begzod Samexjonov | 1973
Ассалому алайкум! Бир дўстим билан бир мавзуда баҳслашиб қолдик. “Судхўрлик фоизга пул бериш ҳаром. Аммо дўконни ижарага бериш ҳалолми? Иккаласи ҳам бир нарсаку” деди. “Униси ҳам меҳнатсиз келган пул, буниси ҳам меҳнатсиз келган пул”, деди. Шуни тушунтирсангиз.
«Зикр аҳлидан сўранг» ҳайъати:
- Ва алайкум ассалом! Инсон ҳамма нарсада шариат белгилаб қўйган нарсага қарайди. Инсоннинг ўз синглиси ҳам аёл, дўстининг синглиси ҳам аёл. Аллоҳ дўстининг синглисига уйланишни ҳалол қилган, ўз синглисига уйланишни ҳаром қилган. Судхўрликка пул беришни ҳаром қилган, ижарага нарса бериб фойда олишни ҳалол қилган. Валлоҳу аълам!
