Намоздаги салом
22:48 / 27.09.2015 | Ahlyu sunna wal djamaa | 3870
Ассаламу алайкум! Фарз намозида, масалан шом намози жаҳрий ўқилади. Шунда охиридаги салом ҳам жаҳрий айтиладими ёки жамоат ёки ёлғиз ўқилган ҳолда ҳукми ўзгарадими?
«Зикр аҳлидан сўранг» ҳайъати:
Ва алайкум ассалом! Махфий намозларни жамоат билан ўқиганда ҳам, ёлғиз ўқиганда ҳам қироати махфий қилинади. Жаҳрий намозларни эса ёлғиз ўқувчи жаҳрий ўқиши ҳам, махфий ўқиши ҳам жоиз. Лекин масжидга кечикиб келган киши ёлғиз ўқиганида қироатини махфий қилгани афзал. Жаҳрий салом бериш эса жамоатга хос бўлиб, ёлғиз ўқувчи оҳиста салом беради. Валлоҳу аълам.
