Истинжо ҳақида

Ва алайкум ассалом! Жуда кўп инсонлар таҳорат истинжо билан бошланади деган тушунчада эканлар. Бу қўпол хатодир. Уламоларимиз буни бидъат деганлар. Истинжо қилиш ҳожати тушгандагина бўлиб, у иккига бўлинади. Биринчиси вожиб бўлган, иккинчиси мустаҳаб. Нажосат чиққан жойидан бир дирҳам миқдорича тарқалса, истинжо қилиш вожиб. Бу худди бадани ва кийимига бир дирҳам миқдорича нажосат теккандаги каби. Ундан кичик бўлса мустаҳаб. Шунинг учун бавл қилганда шамоллашдан қўрққан кишилар бавлнинг тарқалиши бир дирҳамдан оз бўлса, кесак билан қуритиб олсалар ҳам бўлади. Бу динимизнинг енгиллигидир. Шунингдек, ел чиқиб таҳорат синганда ҳам таҳоратни истинжо билан бошламай қўлни ювишдан бошлаш мумкин. Валлоҳу аълам.