Бундай ҳадис йўқми?
00:00 / 05.03.2009 | eski savollar | 2323
Ассалому Алайкум ҳурматли Шайх Ҳазратлари.Мен мана бу ҳадис ҳақида савол берган эдим.Савол: Пайгамбаримиз соллаллоҳу алайҳи вассалам риҳлат қилишларидан олдин Жаброил алайҳисаломдан сўраган эканлар: "Мендан кегин ҳам ер юзига тушасизми?" деб. Шунда Жаброил алайҳисалом: "Йўқ сиздан кейин менга ерга тушишга ҳожат қолмайди. Лекин ўн марта тушиб ер юзидан ўнта ноёб нарсани олиб кетаман" деган эканлар!Ҳурматли ҳазрат сиз бунга жавобан "менда бунга илм ёқ" деб, жавоб берибсиз. Аввало жавоб учун раҳмат. Лекин жавобингизни қайси маънода тушинишни билмай қолдим. Бу дегани бунақа ҳадис йўқ деганими?Беодоблик қилган бўлсам Аллоҳ Ўзи кечирсин.
Шайх Муҳаммад Содиқ Муҳаммад Юсуф роҳимаҳуллоҳ:
Бундай ҳадисни мен билмайман. Сиз олган ерингизни аниқ айтсангиз қараб кўриш мумкин. Аммо, менимча бундай ҳадис бўлмаса керак.
