Оила ичида келин ва фарзандларининг ўрни

Ассалому алайкум! Келин ва куёв шаҳарда талаба бўлгани учун шаҳарга келиб яшашга мажбур бўлади. Қайнона келиннинг сепларини олиб кетиб ишлатишига рухсат бермайди. Йилига келин куёвсиз 3-4 ойлаб қайнонасининг хизматини бажаради. Қайнона, 3 қайнисингил, қайниси томонидан келин зулмларга чидаб келади. Эр-хотин 10 йил давомида бегоналарнинг уйида турса ҳам, ўзининг фарзандларининг ризқидан тегиб куёвнинг ота-онасига нисбатан ўз бурчини бажариб келган. Сингилларини ва эрнинг укасини ўқитиб, сингилларнинг сеп ва тўй харажатларини кўтариб келган. Улар томонидан эса зулм ҳаракатлар тўхтамайди. Турмушнинг 20-йилида аёл 4-фарзандини дунёга келтиради. Қайнона бунга: “Войдод ўғлимни пулини сарфлаш учун йилига туғади”деб келинини ва унинг онасини ҳақоратлайди. Шундан кейин аёл эрига: “Бас, сиз ўз фарзандлик бурчингизни бажараверинг, мен оналик бурчимни бажараман унинг учун соғлиқ керак”дейди. 3 йил келин қайнонаси билан алоқа қилмайди. Қайнона неварани кўргиси йўқ. Шу ҳолатда келин гуноҳкорми?