Барча сайт аъзоларига! ! !

Сайт аъзолари! Сизларга бир таассуфли нарса хусусида сўзламоққа ижозат бергайсизлар. Жуда кўп саволларда илгари сўралган саволлар намоёндир. Зеро, сайтда излаш хизмати жорий қилинган бўлиб, излаш хизмати жорий сайтдан ва эски архив сайтдан сизнинг излаётган саволингизга ўхшаш саволларни тақдим этади. Ва шу билан бирга жавобларини ҳам. Биз қайта-қайта бир мавзуда савол бераверсак, ҳам Шайх ҳазратларини вақтини оламиз, ҳам администраторларнинг вақтини оламиз, ҳам ўзимизга ўхшаган сайт аъзоларининг вақтини оламиз, ҳам ўзимизга бўлган ҳурматни, иззатни топтаган бўламиз. Келинглар, бирор ҳолат юзасидан муболаға туғилдими, аввало соддароқ тарзда ушбу ҳолатни тасвирлайдиган сўзларни аввал лотин ҳарфида, кейин кирилл ҳарфида излаш хизмати орқали излаб кўрайлик. Ахир, бу билан биз аввало Шайх ҳазратларини вақтини тежаган ва асабларини бузмаган бўламиз. Шу жумладан администраторларнинг ҳам вақтини, асабларини тежайлик! ! ! Сайтда яратилган қулайликлардан ўз ўрнида бекаму кўст фойдаланайлик! Деярли 10% саволларда “Бу саволга жавоб берилган, уни мана бу линкдан ўқинг” деган жавобни ўқиб, баъзан хуноб бўламиз. Иншоаллоҳ, бу гапларимни оғир олмайсизлар. Аллоҳ насиб қилса, бу мавзуни бошқа кўтармасдан чиройли тарзда қабул қилсак, бағоят гўзал иш бўлар эди. Аллоҳ барчамизни яхшиликда жам қилсин!