Ноодатий табиб

Ассаламу алайкум! Бизнинг танишимиз “дардимизга ёрдам беради” деб бир табиб аёлга боришимизни маслаҳат берган эди. У ерга бориб шуни билдимки, беморларни даволаш куннинг аниқ соатида алоҳида хонада бўлади. Табиб аёл кирганда Аллоҳ номи билан дуо қилиб шифо сўрайди ва ҳар бир касални олдига бориб "ғайбий" илми орқали диагноз қўйади. Гапларига қараганда улар беморларга "одам"ларини туширади. Ўша “одам”лари Қуръон оятларини ўқиб даволайди. Ўзини фолбин ёки дам солувчи эмас, табиб дейди. Беморларни ҳар хил ҳаётий муаммоларини муҳокама қилади, гап сўзлари илмли инсонникига ўхшайди. Ҳадис, Қуръондан тўғри мисоллар келтиради. Лекин мени шу "одам"лари тушиши шубҳага солди. Яна баъзиларни иссиқ-совуқ қилинганми ёки йўқми шуни ҳам айтади. Баъзиларни уйига бориб "тозалаш" керак дейди. Шу табиб ҳақида хулоса қандай бўлади?