Аллоҳ қаерда деган савол ноўринми?

Ассаламу алайкум, ҳурматли Шайх Ҳазратлари! Яқинда сайтда "Аллоҳ қаерда" деган савол-жавобни ўқиб қолдим ва Аллоҳни бирор бир макон билан чегаралаб қўйиш аҳли сунна ақийдасига тўғри келмаслигини ўрганиб олдим. Шундан хулоса қилиб олдимки, аслини олганда ўша саволнинг ўзи ноўрин. Сабаби, бирор бир "нарса"нинг қаерда бўлиши учун у маконда жойлашишга мойил бўлиши керак шундайми? Бу худдики "Аллоҳ қандай ухлайди" деган саволга ўхшаш бўлади. Аллоҳнинг ухламаслиги аниқ бўлганидан кейин, у қандай ухлайди деган саволга умуман жавоб бўлмайди-ку. Демак, Аллоҳнинг маконга муҳтож эмаслигини тан олар эканмиз, Аллоҳ қаерда, деб савол беришнинг ўзи нотўғри. Ҳазрат, менинг бу мавзудаги фикрларимда адашув йўқми?