Жоҳиллар билан муносабат

Ассалому алайкум, ҳурматли Шайх Ҳазратлари! Мен сизни китобларингизни имкон қадар ўқиб, ўрганиб бораман. Аллоҳ сиздан рози бўлсин, қилаётган ишларингизни ажр-савоб ато этсин! Саволим сабр тўғрисида эди. Ҳазрат, ҳозирги замонда фисқу-фасод ва фитначилар авж олиб кетди. Бундай одамларга нисбатан иложи борича сабр қилишга, уларга яхши хулқ билан муомала қилишга ҳаракат қиламиз. Бизга қилган ноҳақликларига чидаш жуда қийин бўлиб кетди ҳазрат! Бундай жоҳилликларига сабр қилиш қай тарзда бўлади, уларга нисбатан кучимиз етмаса, яхшилик қилсак эвазига ёмонлик қайтса... Улардан юз ўгирсак гуноҳкор бўлиб қоламизми? Сабр қилиниши керак бўлса сабр қиламиз. Лекин оқибати яхшилик бўлмаса, унақа одамлардан узоқроқ юришимиз тўғрими? Ёки уларга нисбатан охиригача сабр билан Аллоҳдан ҳидоят сўраб яхшиликка чақириб юраверайликми?