Ушбу ҳолатда азон айтиб ўқиймизми
16:54 / 11.09.2014 | Boburiy | 6559
Устоз, масжидда айтилган азон эшитилмаса, уйда ёки ишхонада намоз укиган одам азон айтиб укиш керакми деб, берилган саволларга азон айтиш керак деб жавоб берибсиз. Рамазон ойида ифторликда азон айтилмай такбир билан намоз укилганини куп курганман. Саволим шуки, бизни ишхона масжиддан бир ё икки чакирим узокликда, азон эшитилмайди, жамоат булиб намоз укисак азон айтишимиз керакми? мени тушунмаганим ифторликларда, туйларда жамоат тупланиб колса такбир билан намозлар адо килинади. Аллох рози булсин.
Шайх Муҳаммад Содиқ Муҳаммад Юсуф роҳимаҳуллоҳ:
Азон айтилмаса, намоз бўлаверади. Азон айтиш суннат. Буни тушунмай кўпчилик сизга ўхшаб қайта-қайта савол бераверади. Намоз китобига назар солинг. Унда нима фарз, нима вожиб экани кўрсатилган. Азон фарз ҳам эмас, вожиб ҳам эмас.
