Имомдан олдин харакат
13:38 / 24.10.2018 | Orifjon | 2327
Ассалому алайкум! Устозлар, ишхонада жамоат бўлиб номоз ўқиймз. Шом номозининг фарзида бир биродаримиз имомдан олдин икки томонга салом бериб юборди. Номоз тугаганидан сўнг шу масал бўйича биздан сўраганида мен, номози бузулганини бошидан ўқиши кераклигини айтдим, тўғри айтдимми?
2). У биродаримиз яна имом жамоатдан олдин тез харакат қилиб тез тез сураларни ўқиши кераклигини айтди. Имомга иқтидо қилинганидан кейин тамоман бўйсуниладику шу тўғрими? Жавобингиз учун олдиндан раҳмат!
«Зикр аҳлидан сўранг» ҳайъати:
- Ва алайкум ассалом! 1). Нотўғри айтибсиз. Имом билан бирга ташаҳҳуднинг ўқиб бўлиш миқдорича бирга бўлиши фарз, қолганида имомга эргашиши вожиб. Бундай суратда имом билан яна қайтадан салом берса кифоя қилар эди.
2). Бўйсуниши керак. Валлоҳу аълам!
