Жалолиддин Муҳаммад Акбар Шоҳ ҳақида

Мен тарихга жуда ҳам қизиқаман. Ватанимиз ва дунё тарихларини ўрганишни ўзимга севимли машғулот қилиб олганман. Буюк Ислом саркардалари ва ҳукмдорларининг тарихий ҳаётларини турли хил манбалардан ўқиб чиқаман. Охирги пайт темурий ҳукмдор, Ҳиндистон Турк Императорлигининг асосчиси Заҳириддин Муҳаммад Бобур невараси бўлган Жалолиддин Муҳаммад Акбар шоҳ ҳақида китоблар ўқидим. Акбар Шоҳнинг давлатда олиб борган диний сиёсати мени бироз ўйлантириб қўйди. У инсон динлар орасида тотувликни сақлаш учун, бошқа динларнинг ривожланишига имкон берган. Бошқа диний урф-одатларни бажарган. Мен Акбар Шоҳни Ислом динига хизмат қилган буюк ҳукмдор деб билардим. Ростдан ҳам шундайми? Шу сабабдан, сиздан сўрамоқчи бўлган саволим ва илтимосим, агар шу мавзуда маълумотга эга бўлсангиз, бизлар билан баҳам кўрсангиз. Бу инсон ҳақида фикрлашимни сизнинг фикрларингиз билан уйғунлаштирмоқчиман. Ҳурмат ва дуоларим билан Умар