Иймоним жудаям сусайиб кетяпти
00:00 / 06.09.2010 | eski savollar | 2185
Ассалому алайкум, азиз домла. Мен ҳозир мусофир юртга ишлагани келиб, ишлаб юрибман-у, лекин бу ерга келганимдан бери иймоним жудаям сусайиб кетяпти. Бунинг олдини олишим учун нима қилай? Азиз домла, сизга олдиндан катта раҳмат, Аллоҳ рози бўлсин.
Шайх Муҳаммад Содиқ Муҳаммад Юсуф роҳимаҳуллоҳ:
- Ва алайкум ассалом! Бунинг учун ибодатли кишилар билан алоқа ўрнатиб, кўпроқ ўшаларнинг суҳбатида бўлишга ҳаракат қилинг. Иймонга, тақвога футур етказадиган нарсалардан йироқ бўлинг. Кўп ибодат қилинг, истиғфор – «астағфируллоҳ»ни кўп айтинг. Билганингизча Қуръон ўқиб, Аллоҳни зикр қилиб юринг. Энг муҳими, Аллоҳ барча нарсани билиб, кўриб, эшитиб, ҳисобини қилиб турганини унутманг.
Валлоҳу аълам.
Дин ишлари бўйича қўмитанинг хулосаси рақами: 2022 йил 03-07/1077
