Ҳадис шарҳи

Абу Абдуллох Муҳаммад Ибн Исмоил Ал-Бухорий. Ҳадис 1. “Ал-Жомиъ Ас-Саҳиҳ”. Иймон китоби. 19-боб. “Исломни ўлимдан қўрққанидан ёки итоаткорлик юзасидан қабул қилган кишининг иймони иймон эмас”! Аллоҳ таоло ояти каримасида:"Бадавийлар:"Иймон келтирдик", - деб айтурлар, сиз уларга:"Иймон келтирмадингиз, балки таслим бўлдик, деб айтингиз!-денг",-дейилган. Исломнинг ҳақиқатан қабул қилингани иймон келтирмоқ билан исботлангайдир. Аллоҳ таоло бошқа бир оятида:"Аллоҳ учун мақбул йўл фақат Ислом йўлидир", яна бир оятида:"Кимки Исломдан бошқа йўлни истаса, зинҳор қабул қилинмайдир"-дейилган. Расулуллоҳ (с.а.в) 5-10 одамга садақа улаша бошладилар. Мен ҳам шу ерда ўтирган эдим. Расулуллоҳ бир кишига садақа бермадилар, у эса мен ёқтирган(солиҳ) киши эди. Мен:"Ё Расулаллоҳ, фалончига нега бермайсиз? Уни мен мўмин деб билурман",-дедим."Мусулмон деб эмасми?"-дедилар. Озгина жим қолдим, сўнгра у одам ҳақида баъзи бир билган нарсаларимни айтиб яна сўрадим:" Нега фалончига бермайсиз? Уни мен мўмин деб билурман". Расуллулоҳ дедилар:"Мусулмон деб эмасми?" Бир оз жим туриб яна сўрадим. Кейин Расулуллоҳ айтдилар:"Эй Саъд, у кишига берар эдим-у, лекин ундан кўра бошқаларга берганим маъқулроқдир, чунки Аллоҳ уларни дўзахга туширишидан қўрқгайман". Шу ҳадисни шарҳлаб берсангиз илтимос.