Туғилиб ўсган уйимга борганимда намозни қаср ўқийманми?
Ассалому алайкум шайх ҳазратлари!!! Мен асли наманганликман. Оилам билан икки йилдан буён Тошкентда яшаяпмиз. Ҳар ойда онамни кўриш учун ўз туғилиб ўсган шаҳримга ва уйимга бораман. Агар намоз вақти йўлдалигимда тўғри келса фарзини қаср қилиб ўқийман. Туғилиб ўсган уйимда ҳар доим тўрт беш кун тураман. Шу пайтда, яъни онамни уйида турганимда ҳам намозларимни фарзини қаср қилиб ўқишим керакми? Ёки тўла ўқисам бўладими? Жавобингиз учун олдиндан ташаккур. Аллоҳ сиздан рози бўлсин!!!
– Ва алайкум ассалом! Агар Намангандаги уйда сизнинг алоҳида туришингиз учун ҳамма шароит бўлса, ўша ердан бошқа ерга тушишга эҳтиёж йўқ бўлса. Бошқача қилиб айтганда худди ўз уйингизга боргандек борадиган бўлсангиз, намозни тўлиқ ўқийсиз. Буни «Фатавойи оламгирия»да айтилган.
