Тумор

Бир жойда қуйидаги бахсни ўқиб қолгандим: Савол: Оятлар ёзилган туморларни тақиш ва идишга оятларни кўчириб, сув билан чайиб ичиш мумкинми? Жавоб: Оятлар, Аллоҳнинг исм ва сифатлари ёзилган туморларни тақиш ҳанафий, моликий, шофиъий ва ҳанбалий мазҳаблари уламолари наздида жоиздир. Тумор ҳақида келган ҳадис ширк сўзлар ёзилган туморлар ҳақидадир. Бу ўринда шуни алоҳида эслатамиз: оятлар ёзилган тумор билан ҳожатхонага кирмаслик керак. Идишга оятларни кўчириб, сув билан чайиб ичиш ҳам жоиздир. Ибн Аббос (розияллоҳу анҳу) туғишга қийналган аёлга ана шундай қилишни буюрганлари нақл қилинган (“Баён линнас”, “Ал мавсуа ал фиқҳия”)”. Ушбу фатвога амал қилсак бўладими?