Рибовий фарқни кимга қайтаришим керак?

Билимсизлик туфайли бир неч йил аввал икки шахс билан нақд-перечисление пул алмаштириш муомаласи қилганман. Яъни хар иккаласининг ҳам банк орқали ўтказган пулларини фоиз олиб қолиб нақдлаштириб берганман. Эндиликда шу олиб қолинган пулларни ўз эгаларига қайтармоқчиман. Шу масалада икки саволим бор эди. Илтимос, шунга жавоб берсангиз: 1) Айтайлик 6 йил олдин алмаштиришлар оқибатида менга қолган пул миқдори 3 миллион сўм бўлса, айнан шу суммани қайтараманми ёки ҳозирги кунда пул қадри тушганини ҳисобга олиб, шу пулни индексация қилиб кўпроқ қайтаришим керакми? 2) Ушбу муомалани қилган ҳар икки шахс яна шундай ишларни бошқа одамлар орқали ҳозирги кунгача амалга оширишмоқда, буни нотўғрилигини айтсам ҳам, бундан қайтишмади. Бундан ташқари, улардан бири ҳамр истеъмол ҳам қилади. Яъни иккалалари ҳам ношаръий ишларни килувчилар. Шуни инобатга олиб, пулни камбағалларга берганим афзалми ёки ўз эгаларига қайтаришим керакми?