Поролон материалидан тайёрланадиган махсулотлар

Ассаламу алайкум! Мен поролон материалидан ҳар хил турдаги маҳсулотлар ишлаб чикарадиган фирмада ишлайман. У ерда махсус идиш-товоқ ювиш учун, ҳаммом учун ва шу каби кўп турдаги губка ва мочалкалар чиқарилади. Бу каби маҳсулотларни тайёрлаш жараёнида сифати талабга жавоб бермайдиган ва ҳар хил ўлчамдаги поролон қийқимларни ахлатга ташланади. У ердаги ишчиларнинг деярли ҳаммаси ана шу сифатсиз ва поролон қийқимларини ўзлари билан олиб кетишади. Ана ўша ахлатга ташланган сифатсиз маҳсулотлар сотиш талабига умуман жавоб бермасада, лекин биз каби ишчилар учун уй шароитида фойдаланса бўлади. Гарчи сифат даражаси бозор стандартига тўғри келмасада, ушбу турдаги нарсаларни раҳбарларнинг рухсатисиз олиб кетиш жоизми? Жавоб учун раҳмат.