Интернет одоблари
18:33 / 16.12.2014 | Nigina Shavkotova | 2758
Мен бир дугонам билан тортишиб қолдим. У менга “фейсбоокка расмингни қўйма, эркаклар кўрса фитна бўлади” деди. Мен шундайлигини билгач, эркакларни друзямдан ўчирдим. Лекин дугонам “барибир қўйма, чунки сен билмайсан, аёллар номидан очиб оладиганлар ҳам бор, шунинг учун фитнадан эҳтиёт бўлишинг керак” деди. Ойимга бу гапни айтган эдим, улар: “у дугонанг айтаверади, ёш қиз нимани ҳам биларди” дедилар.
1) Дугонамнинг айтганлари тўғрими?
2) Қизлар (аёллар) нинг кўчага атир сепиб чиқиши, улама тирноқ, киприкларни қўйиб юриши ҳаромми?
Шайх Муҳаммад Содиқ Муҳаммад Юсуф роҳимаҳуллоҳ:
1) Дугонангизнинг айтганлари жуда ҳам тўғри. Муслима қизлар гавҳар каби бўладилар. Уларни турли нохушликлардан авайлаш керак. 2) Қизлар (аёллар) нинг кўчага атир сепиб чиқиши, улама тирноқ, киприкларни қўйиб юриши ҳаром. Чунки атир сепиб кўчага чиқиш эркакларни ўзига қаратишга уриниш бўлади. Улама тирноқ ва киприкларни қўйиб юриш сохтакорликдир.
