Мусулмон одамнинг хоч(крест) кўтариши

Бир насроний аёл вафот этди (турмуш ўртоғи ўзбек бўлган). Унинг ўғли обрўли инсон бўлганлиги сабабли, кўмиш маросимида тобутини ҳам, унинг олдидаги крестини ҳам мусулмон йигитлар кўтаришди(кўмиш маросимида насроний диндагилар ҳам бор эди). Шу аёл тириклик пайтида уйига йўқлаб келган ўзбекларга крестини ўптирар эди. Кўмиб бўлингандан кейин, мусулмонларники каби уйида 3 кун масжид имомлари(битта имомни ўз кўзим билан кўрдим, қолганларини эшитдим) тиловат қилиб ўтиришибди. Кейин насронийлар каби "поминка"лари ҳам бўлиб ўтди. Бу ҳолат нотўғри эканлигини сезиб турсамда, сизнинг қимматли вақтингизни олганим учун узр сўрайман. Лекин бу ҳолатни кўрган одамлар шундай бўлиши тўғри экан, деб ўйлаши ҳам мумкин. Мусулмонларнинг бундай қилишлари тўғрими?