Қарз савдода вакиллик вазифаси

Ассалому алайкум, ҳурматли Шайх Ҳазратлари! Бир кишига чет элдан ускуна ёки хом ашё керак, лекин етарли маблағ унда йўқ ва қарзга қимматроқ нархда олишга рози. Бошқа кишида эса маблағ бор ва қарзга нарса олиб қимматроққа беришга тайёр. Олинадиган нарса чет элда. Юкни олиб берадиган одамнинг ўзи, у юкни ололмайди ва ўртачи орқали олиб бермоқчи. Лекин юкни олмоқчи бўлган одамнинг ўзи чет элга чиқиб, уни гаплашиб ола билади. Илмлик одамлардан сўраганимизда, улар қарзга олиб бераётган одамнинг ўзи ёки унинг вакили томондан товарни бай қилиниши керак, акс ҳолда рибонинг ҳавфи бор дейишди. Савол шуки, қарзга товар олаётган одамнинг ўзи чет элдан олинадиган товарнинг нархини келишиб, бай қилиб, кейин қарзга бераётган одам билан яна уни байлашиб қарзга олса бўладими? Яъни ўзи қарзга олувчи бўла туриб ва шу пайтнинг ўзида қарзга берувчининг шу иш бўйича вакили бўла оладими? Аллоҳ илмингизни зиёда қилсин.