Намоздаги бир рукн

Ассаламу алайкум! Азиз устозлар, намозни нуқсонсиз ўқиш ниятида, унинг ҳукмларини яхшироқ ўрганиб оламан деган мақсадда китобларни мутолаа қилаяпман. Аммо китобларни ўқиганим сари, улардаги ҳар хилликни кўриб саволлар пайдо бўлмоқда. Албатта намоз ичида хатолар қилиб қўямиз, ёки тутулиб қолиш ҳолатлари бўлиб туради. Шунда бу хатоларни саҳв саждаси билан тузатган бўламиз. Савол айнан тутулиб қолиш, кечиктириш тўғрисида: "Таҳорат ва намоз" деб номланган андроид иловада (версия 1.0 лойиха муаллифи: Абу муслим, дастурчи: Алишер Ахмедов) саҳв саждасига оид бўлимида намоздаги "Бир рукн уч тасбеҳ ёки бир узун оят ва ёки уч қисқа оят миқдорича белгиланади" деб ёзилган экан. Шунга амал килиб келаётган эдим. Аммо, яқинда Ҳазратимиз(роҳимаҳуллоҳ)нинг "Мўминнинг меърожи" китобларидан намоздаги "Бир рукн (фарз) бир тасбеҳ билан белгиланади" деган гапни ўқиб, менда ушбу ҳолат бўйича сиз устозлардан сўраш эҳтиёжи туғилди. Қайси бирига амал қилганимиз маъқул.