Хато эмасми?
14:03 / 04.02.2016 | Zafarov Murodjon | 4995
Ассаламу алайкум! 2012-йили қизим туғилганида ақиқа қилганман. Муфтий Усмонхон Алимовнинг "Оилада фарзанд тарбияси" номли китобидаги маълумот "..қиз болани сочини ҳатто ёшлигида ҳам кесишдан уламолар қайтаришган" дейилган. Шу маълумотга мувофиқ қизимни сочини олдирмаганман. Ҳозир она қорнидаги сочи билан юрибди. Бу ҳолат хато эмасми?
«Зикр аҳлидан сўранг» ҳайъати:
Ва алайкум ассалом! Қиз боланинг сочини ҳатто ёшлигида ҳам кесишдан қайтаришлари ақиқадан бошқа ҳолатлардадир. Бундай ҳолатда мустаҳаб амал тарк қилинган бўлади. Ақиқадан бошқа ҳолатда қиз боланинг балоғатга етмаган бўлса ҳам сочи олинмайди. Беморлик ва шунга ўхшаш ҳолатлар бундан мустасно. Валлоҳу аълам.
