Қарз бериш
18:05 / 27.01.2016 | Рустам Алимов | 2677
Ассаламу алайкум! Излаш хизматидан топа олмадим, агар саволим такрорий бўлса сизлардан узр сўрайман. Қарздор инсон қарзини тўлаш учун маблағ тўплаётган бўлса, пулга муҳтож одам қарз сўраса, тўплаётган пулидан қарз бериб турса бўладими ёки ўша тўплаган маблағни оз-оздан бўлса ҳам қарзидан қутилиш керакми? Жавобингиз учун раҳмат!
«Зикр аҳлидан сўранг» ҳайъати:
Ва алайкум ассалом! Қарздор инсон қарзини тўлаш учун маблағ тўплаётган бўлса, пулга муҳтож одам қарз сўраса бериши фарзни тарк қилиб, нафл ибодатини қилаётган одамга ўхшайди.
«مطل الغني ظلم»
Набий соллаллоҳу алайҳи васаллам: «Бой (қодир) бўлатуриб қарзни кечиктириш зулмдир», деганлар. Муттафақун алайҳ. Валлоҳу аълам.
