Уй мушугини бичиш

Ассаламу алайкум! Биз ўз квартирамизда 2 ойлигидан бошлаб бир мушукни боқамиз ва ҳозирги кунда у вояга етган шекилли, кўчага талпина бошлаб, турли қилиқлар чиқара бошлади. Бу мушугимизни уй шароитида тоза-покиза сақлаб, унга зулм қилмай, барча яхши шароитларни қилиб бердик, ўз вақтида дориларини бериб, чўмилтириб, иссиқ ўрин бердик, қисқаси ўз меҳримизни аямай турибмиз. Агар уни кўчага қўйиб юборсак (ўзининг табиий эҳтиёжини қондириш учун) қай шароитга тушади, кўча шароитида яшаб кета оладими, билмаймиз. Саволим, шариатимизда уни бичиш(кастрация)га рухсат берилганми? Билишимизча, уни бичилгандан кейин у ўзини анча босиб олар экан.