Дeпилация жоизми?

Ва алайкум ассалом! Қўлтиқ остидагиларни юлиш, киндик остидагиларни қириш суннат. Бир амални суннатга мувофиқ адо қилишдан мақсад ҳам ва унинг бир ҳикмати ҳам бўлади. Сиз айтган ишдан суннат адо бўлади, устара ишлатишдаги ҳикмати топилмай қолади. Ҳозирги замонавий тиббиёт ҳам суннатда қандай келган бўлса, ўшандай қилишда фойда бор эканлигини аниқлади. Шундай бўлсада, уларни қандай йўл билан кетказиш ила суннат адо бўлади.
Шу ўринда халқимиз ичида тарқалиб улгурган мусулмон эркак ва муслималарга ярашмайдиган одатни айтиб ўтсак. Эркаклар аёллар ҳузурига бориб қўлтиқ ости юнгларини олдириши, сочларини олдириши ҳалол эмас. Шунингдек аёллар аёл киши сартарошлар ҳузурида киндик ости тукларини олдиришлари ҳам ҳалол эмас. Бу ўта оғир гуноҳ, буни туғруқ ҳолатидаги дояларга авратини очишга мутлоқ алоқаси йўқ. Аёл киши киндигидан тиззасигача бўлган жойини аёл кишига очиб бериши эркак кишига очиб бериш билан баробар бўлади. Аллоҳ таоло “Нур” сурасида марҳамат қилади : 

 وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاء بُعُولَتِهِنَّ أَوْ أَبْنَائِهِنَّ أَوْ أَبْنَاء بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُوْلِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاء وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ وَتُوبُوا إِلَى اللَّهِ جَمِيعًا أَيُّهَا الْمُؤْمِنُونَ لَعَلَّكُمْ تُفْلِحُونَ۝ 

31. Мўминаларга айт: «Кўзларини тийсинлар, фаржларини сақласинлар ва зийнатларини кўрсатмасинлар, зоҳир бўлгани мустасно. Рўмолларини кўксларига тўсиб юрсинлар. Эрларидан, ё оталаридан, ё эрларининг оталаридан, ё ўғилларидан, ё эрларининг ўғилларидан, ё ака-укаларидан, ё ака-укаларининг ўғилларидан, ё опа-сингилларининг ўғилларидан, ё аёлларидан, ё ўз қўлларида мулк бўлганлардан, ё (аёлларга) беҳожат эркак хизматчилардан, ё аёллар авратининг фарқига бормайдиган ёш болалардан бошқаларга зийнатларини кўрсатмасинлар. Махфий зийнатларини билдириш учун оёқларини (ерга) урмасинлар. Барчангиз Аллоҳга тавба қилинг, эй мўминлар! Шоядки, зафар топсангизлар». Валлоҳу аълам!