Сифатсиз маҳсулотни айтиб сотиш
Ассалому алайкум! Мен қурилиш моллари билан тижорат қиламан. Ҳар соҳада бўлгани каби, бунда ҳам сифатли ва нисбатан сифати пастроқ маҳсулотлар бўлади. Мен бундан 6 ой аввал бир савдогар харидоримга қурилиш маҳсулотини берган эдим. Бунда харидорим бу маҳсулотни сифати пастроқлигидан хабардор бўла туриб ҳам шу маҳсулотданам харид қилди. Орадан вақт ўтиб ўша харидорим у маҳсулотни ўз харидорига сотгандан сўнг у шикоят қилиб келганини ва сифатсиз мол пулини қайтаришини талаб қилганини маълум қилди. Савдогар харидорим бу маҳсулотни сифати ҳақида айтиб сотганидан бехабарман. Саволим, сифати пастлигини айтиб сотилган маҳсулотни бадал ҳукми қандай бўлади? Яъни мен савдогар харидоримга бадал ҳақини тўлашим керакми ёки у?
Ва алайкум ассалом! Сифати пастлигини сиз айтган бўлсангиз, у ҳам хабардор бўлса, харидорга ҳам билдирган бўлса, ҳеч ким бадалини тўламайди. Орада ким билдирмаган бўлса, ўша тўлайди. Агар сифати паст маҳсулот аслида яроқсиз бўлса, сиз тўлайсиз. Валлоҳу аълам!
