Тобутни кўтариш
17:28 / 22.04.2016 | ismat mirzaev | 4051
Ассалому алайкум! Устозлар бу саволни бир укамиз мендан сўраб қолди. Укамиз “аёллар нима учун жанозада тобут кўтаришмайди” деб сўради. Мен “менда бу ҳақида илм йўқ. Устозлардан сўраб бераман, улар бу ҳақида динда нима дейилгани ҳақида билса керак” дедим. Бунинг ҳукми нима бўлади? Аллоҳ сизу биздан рози бўлсин.
«Зикр аҳлидан сўранг» ҳайъати:
Ва алайкум ассалом! Эркаклар турганида хотинлар кўтаришига ҳожат йўқ. Мабодо эркаклар бўлмай аёллар кўтаришига мажбур бўлса, аёллар ўзлари жаноза ўқишлари, тобутни кўтаришлар ва дафн қилишлари зиммаларига фарзи кифоя бўлади. Валлоҳу аълам!
