Саждаи саҳв
21:03 / 20.05.2016 | Одилжон | 2501
Ассалому алайкум! Ҳурматли устозлар, намозда саждаи саҳв вожиб бўлган инсон намозни тугатишдан олдинроқ, яъни салом беришдан олдин саждаи саҳв вожиб бўлганлиги эсига тушиб қолса нима қилади? Салом бериб саждаи саҳв қиладими ёки намозни бошидан ўқийдими? Ўзимда шундай ҳолат кўп бўлганлиги учун сўрадим.
«Зикр аҳлидан сўранг» ҳайъати:
Ва алайкум ассалом! Эсга тушган заҳоти саждаи саҳвни қилади. Салом бериб қўйган бўлса ҳам, агар “салом” сўзидан бошқа сўзни айтмаган бўлса, намоздан чиқмаган бўлади ва саждаи саҳвни қилади. Валлоҳу аълам!
