Қон чиқариш

Ва алайкум ассалом! Шариатимизда Қурбон ҳайити кунидаги жонлиқ ҳамда ақиқага сўйиладиган жонлиқдан бошқа қон чиқариш эътибори билан қилинадиган қурбонликларнинг барчаси бидъат ва гуноҳдир. У бирор улуғ шахснинг ҳурматидан сўйиладими, ёки янги уйга кўчиш ёки қуриш учун бўладими, бемор учун бўладими, ёки қабрларнинг тепасига олиб бориб сўйиладими барчаси гуноҳдир. Бундай ишларни қилиш шариатга қўшимча қилиш ҳисобланади. Бу ишлар қадимдаги араб мушриклари ва ҳозирги кундаги бутпараст ва оташпарастларнинг қон чиқариб, қонини ўзлари сиғинадиган нарсаларнинг устидан қуйиш ва суртишларга ўхшайди. Бундан сақланиш керак. Қон чиқаришни мақсад қилмай бирор жониворни сўйиб зиёфат қилиб бериш бошқа масаладир. Валлоҳу аълам!