Намоз кийим
Ассалому алайкум! Ҳозир кунлар исиб кeтганлиги сабабли шўрти, eнги калта футболкалар ва кийилади ва пайпоқ кийилмайди. Шундай кийимлада намоз ўқиш тўғрими? Агар нотўғри бўлса, намоз ўқиш пайтида уст кийими қанақа бўлиш кeрак? Уст кийим рангларини ҳам таъқиқловчи ранглари борми?
Илтимос шу тўғрисида батафсил маълумот бeрсангизлар. Жавобингиз учун катта раҳмат.
Ва алайкум ассалом! Намознинг шартлари: намозхоннинг бадани, кийими ва макони бетаҳоратлик ва ҳақиқий нажосатдан пок бўлиши, авратининг тўсилиши, қиблага юзланиш, ният қилиш. Эркак кишининг аврати киндиги остидан то икки тиззасининг остигачадир. ("Кифоя" китобидан). Енги калта кийимда намоз ўқиш жоиз. Шўртиклар авратни беркитсада, Аллоҳ таолонинг : خُذُواْ زِينَتَكُمْ عِندَ كُلِّ مَسْجِدٍ «Ҳар бир ибодатда зийнатингизни олинг», деган (Аъроф 31-оят). Яъни «кийимингизни кийинг, авратингизни тўсинг». оятига тўғри келмайди. Кийимнинг тўқ қизил ёки заъфарон рангдан бошқа рангларда бўлиши жоиз. Валлоҳу аълам!
