Имом ал-Бухорий
Ассалому алайкум! имом ал-Бухорийнинг ҳаётини оқиб туриб бир нарсага тушунмадим у eрда «Аллоҳим! Батаҳқиқ, eр юзи барча нарсаси ила мeнга тор бўлиб қолди. Мeни Ўзинга ол» дeб ёзилган экан. Шу ростми? Агар рост бўлса исломда қайтарилган ўзига ўзи ўлим сўрашлик бўлиб қолмайдими? Илмим озлик қилиб бундай улуғ зотга ҳурматсизлик қилган бўлсам Аллоҳ кечирсин.
Ва алайкум ассалом!
عَنْ ثَوْبَانَ ، أَنَّ النَّبِيَّ صَلَّى اللَّهُ عَلَيْهِ وَسَلَّمَ ، كَانَ يَقُولُ : " اللَّهُمَّ إِنِّي أَسْأَلُكَ الطَّيِّبَاتِ ، وَتَرْكَ الْمُنْكَرَاتِ ، وَحُبَّ الْمَسَاكِينَ ، وَأَنْ تَتُوبَ عَلِيَّ ، وَإِذَا أَرَدْتَ بِعَبَادِكَ فِتْنَةً ، فَاقْبِضْنِي إِلَيْكَ غَيْرَ مَفْتُونٍ "
Савбон розияллоҳу анҳудан ривоят қилинади:
"Расулуллоҳ соллаллоҳу алайҳи васаллам : “Аллоҳим, сендан покиза(солиҳ амаллар)ни ва мункар ишларни тарк қилишни, мискинларга муҳаббат ва тавбамни қабул қилишингни, бандаларинга фитнани ирода қилганингда фитнага мубтало бўлмасимдан вафот топтиришингни сўрайман” дер эдилар".
Ибн Асокир “Димашқ тарихи” китоби. Имом Бухорий Ҳазратлари умрларининг охирида қаттиқ фитнага қолган эдилар. Валлоҳу аълам!
