Қадр кeчаси ҳақида

Ассалому алайкум! Ҳурматли устозлар. Аллоҳ сизларни саодатли бандаларидан қилсин. Саволимга жавоб берсангаз. Қадр кечаси хар йили муаййан бир кечага хосланмайди, балки кўчиб юради, бир йил 27-кечада бўлса масалан, кейинги йил 25-кечада бўлади, албатта бу Аллоҳнинг иродаси ва ҳикматига кўрадир.
Бунга Пайғамбар соллаллоҳу алайҳи ва салламнинг ушбу сўзлари далолат қилади: «Уни қолган тўққизинчи кечадан, қолган еттинчи кечадан, қолган бешинчи кечадан изланглар». (Бухорий ривояти) Фатҳул-борийда айтилган: « Энг саҳиҳ сўз шуки, (Қадр кечаси) охирги ўн кунликнинг тоқ кечаларида ва у кўчиб юради» дейилган. Бу кечалар 20-дан 21га, 22-дан 23га, 24-дан 25га, 26-дан 27га, 28дан 29га ўтадиган кечаларми.? Шу ҳақда толиқ маълумот берсангиз.