Дунёга қараш

Ассалому алайкум! Ёшим 20да. Мен ҳозир тиббиёт талабасиман ва Иншаа Аллоҳ менинг кейинги режаларим АҚШ давлатида ўқишни давом эттириш ва ҳақиқий етук умматга фойдаси тегадиган шифокор бўлиш. Мен дунёқарашимни ўзгартирмоқчиман одамлар қиммат машиналарга шохона уйларга қараганда уларга ҳавас қилиб менда ҳам бўлса эди деб ҳоҳлашади ва яхши кўришади мен шундай қиммат машина уй-жой мансабларга қараганимда оддий бу дунёнинг вақтинчалик буюми оддий миниладиган улов, вақтинчалик яшаладиган уй деб қарамоқчиман ва бу дунёнинг баланд мансабларига шохона буюмлару, уйлар, жойлар, миниладиган уловларига, пулларга ва барча бу дунёга тегишли бўлган нарсаларга кўнгил қўймоқчи эмасман, буларни қолган одамларга ўхшаб севиб, яхши кўриб, ҳоҳлаб орзу қилиб юрмоқчи эмасман. Ҳозир ҳам кейин ҳам. Менинг ният орзу ва ҳоҳишларим ҳавасларим яхши кўришларим охиратга тегишли бўлган ишларга, савобли амалларга, бутунлай охират дунёсига бўлишини ҳоҳлаяпман. Мен шундай бўлишим учун нималар қилишим керак? Шундай бўлишни жуда ҳоҳлардим.