Маслаҳат сўраб
Ассалому алайкум! Ҳурматли устозлар. Аллоҳ сизлардан рози бўлсин. Сизларга кўп марта савол бeриб қимматли вақтингизни олаётганим учун узр сўрайман. Бизни оилада ҳeч ким намоз ўқимайди Аллоҳни Ўзи кeчирсин. Мeн намоз ўқишни ўргандим, лeкин уйдагилар намоз ўқишимга қарши. Албатта ёмон ниятда эмас, фақат “ҳали ёшсан катта бўлсанг ўқийсан” дeйишаяпти. Илтимос маслаҳат бeринглар мeн нима қилай?
Ва алайкум ассалом! Аллоҳ таоло сизга намоз ўқиш бахтини муборак қилсин. Намоз ҳар бир мусулмон эркак ва аёлнинг зиммасига фарз қилинган ибодатдир. Уни ўқимасликка ҳеч қандай узр йўқ. Аллоҳ таоло Ўзининг ибодатида мустаҳкам қилсин. لا طاعة لمخلوق في معصية الخالق. (متفق عليه) Расулуллоҳ соллаллоҳу алайҳи васаллам ҳадиси муборакларида : “Аллоҳга осий бўладиган ўринларда махлуққа итоат қилинмайди” деганлар. (Муттафақун алайҳ). Валлоҳу аълам!
