Савдо
20:22 / 04.08.2016 | NODIRBEK | 2798
Ассалому алайкум! Мен бир биноимни сотиш учун харидордан заклат олдим. Харидор ўз вақтида келишилган пулни қилиб бера олмади. 2 мартта вақт чўзди. У “доллар ошиб кетди” деганди, “майли” деб яна нархини тушиб бердим. Охири жудаям паст нарх айтганди, “йўқ бу нархга сотмайман” деб келиша олмадик ва мен бошқа бировга сотиб юбордим. Энди биринчи харидор берган заклатини сўраб келяпти. Шу пулни қайтаришим керакми? Мен ўша биринчи харидор оламан дегани учун берган заклатини 75% ни ҳужжат тайёрлаш учун сарф қилгандим.
«Зикр аҳлидан сўранг» ҳайъати:
Ва алайкум ассалом! Ҳар бир эвазсиз олинган нарса рибо ёки ўзганинг моли ҳисобланади. Заклатининг эвазига ҳеч нарса бермаганингиз учун сиз ҳам уни олиб қололмайсиз. Валлоҳу аълам!
