Хусни Ҳулқ
Ассалому алайкум! Жума мавизаларидан билишимча «Ҳусни-хулқ» қилаётган ибодатларимиз қабул бўлишини тезлаштирар ва уни ҳар бир мусулмон банда ўзида шакллантириш керак экан. Иншаалоҳ мен ҳам хулқим чиройли қилиш ниятим бор. Шунга қайси китобларда «Ҳусни-хулқ» ҳақида ёзилган? Жавобингиз учун олдиндан катта раҳмат.
Ва алайкум ассалом! Авваламбор «Ҳусни-хулқ» аслида нима эканлигини тушуниб олишимиз керак. бу борада ҳар кимнинг ўлчови турличадир. Шариатимизда эса «Ҳусни-хулқ» бу Расулуллоҳ соллаллоҳу алайҳи васалламдир. Расулуллоҳ соллаллоҳу алайҳи васалламнинг хулқлари эса Қуръон бўлган. Шунинг учун Қуръоннинг тафсир ва таржималарини кўпроқ ўқиб, Расулуллоҳ соллаллоҳу алайҳи васалламнинг ҳар бир суннатларини яхшилаб ўрганиб, уни ҳаётимизга татбиқ қилишимиз «Ҳусни-хулқ»дир. Руҳий тарбия ва сийратга оид китобларни ўқинг. Валлоҳу аълам!
