Омонат
06:25 / 06.10.2016 | Davron | 2305
Ассалому алайкум! Ўқиб юрган вақтимда бир курсдошим мендан қарз сўради. Қайтариб беришни шарт эмас деб бердим. Лекин у “қарзимни қайтарсам берасан” деб узугини берганди. Орадан 6 йил ўтди, уни қайта кўрмадим ва қаердалигини ҳам билмайман. Ҳозир ҳам узук менда. Ўша узукни сотишга ҳаққим борми? Узук мен берган пулдан анча қиммат туради.
«Зикр аҳлидан сўранг» ҳайъати:
Ва алайкум ассалом! Сотиб, қарзингизни эвазичасини олишингиз мумкин. Ундан ортиғини эгасини топиб қайтариб беришингиз шарт. Чунки бу нарса гаровга қўйилган нарса ҳисобланади. Ундан тақиб фойдаланишингиз ҳам мумкин эмас. Валлоҳу аълам!
