Дўконлар учун"Заклад"
00:00 / 26.02.2007 | eski savollar | 2771
Ҳурматли Шайҳ ҳазратлари! Мисол учун бир одам бир дўконни олмоқчи бўлиб дўкон соҳибига дўконни сотмай туринг маъносида "Заклад" берди. Дўкон эгаси кейин дўконни сотмайдиган бўлиб қолди. Шунда "заклад" берган шаҳсга дўконни сотиши мажбурийми(пул бергани сабабли). Ёки аксинча пул берган шаҳс дўконни олмайдиган бўлиб қолса, дўкон эгаси нима қилиши керак?!
Шайх Муҳаммад Содиқ Муҳаммад Юсуф роҳимаҳуллоҳ:
«Закалат» деган сўз бизнинг тилимизда йўқ. Бу русча сўз. Уни бизнинг тилимизда байъбоши дейилади. Бу ишни қилиш билан савдо қилган бўлмайди. Балки ваъдалашиш содир бўлади. Бу иш олиш ёки сотишга ўтмайди. Байъбошига берилган пул бизнинг мазҳабимизда эгасига қайтариб берилади.
