Дуо
09:37 / 03.11.2016 | NODIRBEK | 3354
Ассалому алайкум! Дуо қилишда кафтларни юзига суртишлик суннатми? Суннат бўлса илтимос ҳадисини ҳам келтирсангизлар.
«Зикр аҳлидан сўранг» ҳайъати:
Ва алайкум ассалом! عَنْ عُمَرَ رَضِي اللهُ عَنْهُ قَالَ: كَانَ رَسُولُ اللهِ صَلَي الله عَلَيْهِ وَسَلَّم إِذَا رَفَعَ يَدَيْهِ فِي الدُّعَاءِ لَمْ يَرُدَّهُمَا حَتَّى يَمْسَحَ بِهِمَا وَجْهَهُ Умар розияллоҳу анҳудан ривоят қилинади: «Расулуллоҳ соллаллоҳу алайҳи васаллам қачон дуода икки қўлларини кўтарсалар, уларни юзларига суртмасдан туриб қайтармас эдилар». Шарҳ: Дуонинг одобларидан бири икки қўлни кўтариб дуо қилгандан кейин қўлларни юзга суртишдир. (“Ҳадис ва Ҳаёт” китобидан). Валлоҳу аълам!
