Олдинги кўйлакларим
07:19 / 24.11.2016 | Maftuna | 2476
Ассалому алайкум! Устозлар, сизлардан бир маслаҳатга муҳтожман. Аллоҳга мингдан минг шукур менга ҳидоят берди. Ғафлатда юрганимда замонавий(ношаръий) кийимлар кийиб юрар эдим. Ҳозир эса бу нарса гуноҳ ишлигини билиб, Аллоҳ буюргандек кийинишга ҳаракат қилаяпман. Саволим шуки, уйда аввал кийган кийимларим жуда ҳам кўп. Уларни нима қилсам бўлади? Уларни бирон муҳтож кишига беришни ҳам раво кўрмайман. Чунки ўзингиз яхши биласизлар Расулуллоҳ соллаллоҳу алайҳи васаллам «Ўзинга раво кўрмаган нарсани бошқаларга ҳам раво кўрма деганлар». Илтимос маслаҳат беринглар у кийимларни нима қилсам бўлади?
«Зикр аҳлидан сўранг» ҳайъати:
Ва алайкум ассалом! Уларни шариатга мувофиқлаштириб, хоҳласангиз ўзингиз кийинг, ёки бирор одамга бериб юборинг. Валлоҳу аълам!
