"Ҳадис ва ҳаёт"нинг баъзи жузларидан саволлар
Ассалому алайкум Шайх ҳазратлари.Аллоҳ сиздан рози бўлсин. Китобларингиздан кўп нарсани ўрганяпмиз.Ўқиш жараёнида баъзи тушунмаган жойларимиз чиқиб қоляпти. Шуларни ўзингиздан сўраб билиб олиш мақсадида ушбу мавзуни очгандим. Иншааллоҳ, бу толиби илмларга фойдали бўлади, деб умид қиламан. 1-савол. «Ҳадис ва ҳаёт», 25-жуз, «Нубувват хонадони ходимлари» китобида қуйидаги маълумотлар келтирилади: Бунинг устига Умму Салама р.а.нинг ёшлари Пайғамбаримиз с.а.в.нинг ёшларидан катта бўлган. («Ҳадис ва ҳаёт», 25-жуз, 220-бет)Умму Салама онамиз ҳижрий 59-санада, 84 ёшларида вафот этдилар. («Ҳадис ва ҳаёт», 25-жуз, 242-бет)Агар Умму Салама онамиз 59-санада, 84 ёшларида вафот этган бўлсалар, у зот Расулуллоҳ с.а.в. Мадинага ҳижрат қилганларида 25 ёшда бўладилар. Расулуллоҳ с.а.в. эса бу пайтда 53 ёшда эдилар. Бу ҳолда эса «Бунинг устига Умму Салама р.а.нинг ёшлари Пайғамбаримиз с.а.в.нинг ёшларидан катта бўлган» дейилган қисм билан чалкашлик юзага келяти. Валлоҳу аълам. Шу ерига изоҳ берсангиз.
14-савол. «Ҳадис ва Ҳаёт» 13-Никоҳ, талоқ, идда китобида ёзилади: Ҳанафий мазҳабида маҳрнинг ози 10 дирҳам бўлса яхши, дейилган. Шунингдек маҳрнинг кўпининг чегараси йўқ. Аммо уламоларимиз маҳрнинг кўпи 12 увқиядан ошмагани маъқул, деганлар. (139-бет) Ҳазрат, дирҳам, увқия, динор кабилар ҳозирги ўлчов ва ҳисобларга кўра қанчага тўғри келади?
Дирҳам кумуш танга бўлиб, унинг икки юз дирҳами закот нисобига тенг бўлади. Динор тилло танга бўлиб унинг йигирматаси закот нисобига тенг бўлади. Бир увқия-қирқ дирҳамга тенг.
