Фарзанд асраб олиш
Ассалому алайкум! Биз оила қурганимизга 12 йил бўляпти. Аллоҳнинг тақдири билан хали фарзандимиз йўқ, биз туғруқхонадан ота-онаси фарзандидан воз кечиб ташлаб кетган болаларни бирини олмоқчимиз. Агар болани у ерни ўзидан олмасак гўдакни болалар уйига ўтказиб юборишади ва у ердан бола олишга турган одамлар тахминан 300 дан ортиқ. Биз болани туғрукхонадан олсак, таниш-билиш орқали, чиқими ҳам бўлиши мумкин, шу жоизми? Жавобингиз учун олдиндан ташаккур!
Ва алайкум ассалом! Ҳур инсонни сотиш шаръан ҳаром ҳисобланади.
عَنْ أَبِي هُرَيْرَةَ رَضِي اللهُ عَنْهُ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: «قَالَ اللهُ: ثَلَاثَةٌ أَنَا خَصْمُهُمْ يَوْمَ الْقِيَامَةِ، رَجُلٌ أَعْطَى بِي ثُمَّ غَدَرَ، وَرَجُلٌ بَاعَ حُرًّا فَأَكَلَ ثَمَنَهُ، وَرَجُلٌ اسْتَأْجَرَ أَجِيرًا فَاسْتَوْفَى مِنْهُ، وَلَمْ يُعْطِ أَجْرَهُ
Абу Ҳурайра розияллоҳу анҳудан ривоят қилинади: «Набий соллаллоҳу алайҳи васаллам дедилар: «Аллоҳ деди: «Уч (киши) борки, Қиёмат куни Мен уларга хусуматчиман: Менинг номим билан (аҳд) бериб, кейин хиёнат қилган киши; ҳур одамни сотиб, пулини еган киши; ишчи ёллаб, ундан (ишни) тўла талаб қилиб олиб, ҳақини бермаган киши». (“Олтин силсила” китобидан Саҳиҳул Бухорий). Валлоҳу аълам! Сиз қуйидаги линкда берилган маълумотларни ўқиб чиқинг. http://fiqh.uz/index.php/oilam-turmush/farzand/663-bola-asrab-olish http://fiqh.uz/index.php/oilam-turmush/331-asrandi-bola
