Тасодифан ёмон иш қилиб қўйдим
15:50 / 25.04.2017 | Doston | 4368
Ассалому алайкум! Мен жуда ёмон холатга тушиб қолдим. Фитнес клубда машғулотларни бошлаш ниятида “бисмиллаҳ”ни айтиб тўғрига қарасам бир аёлнинг очиқ турган елкасига қараб қолдим. У аёлни олдинроқ ҳам кўргандим, лекин айнан шу вазиятда уни рўпарамда тургани хаёлдан кўтарилди. «Бисмиллаҳ»ни айтгандан кейин номаҳрамнинг авратига қараганим сабабли диндан қайтган бўлмайманми? Аллоҳ таоло барчамиздан рози бўлсин.
«Зикр аҳлидан сўранг» ҳайъати:
Ва алайкум ассалом! Диндан қайтган бўлмайсиз. Қасддан ҳаром ишни қилишдан аввал бисмиллоҳни айтган кофир бўлади. Масалан бисмиллоҳ деб ароқ ичишни ёки зинони қилишни бошласа. Сизнинг ҳолатингизда машқни бошлаш учун айтилган. Валлоҳу аълам!
