Ноанъанавий қараш
10:17 / 11.07.2017 | Мурод | 4662
Ассалому алайкум! Ҳурматли устозлар, агарда мен фойдаланаётган жихозимни ёки маркабимни, ёки истеъмол қилишим мумкин бўлган махсулотни ишлаб чиқарувчи корхона эгаси, ёхуд уни бошқарувчи рахбари қарашлари ноанъанавий бўлса масалан эркак билан эркак оила қуришига ҳақли деб билса, мен у ишлаб чиқарган махсулотидан фойдаланишим жоизми? Агарда у корхона кўраётган даромади шу ноанъанавий йўналишни қўллаш учун сарфланаётган бўлсачи? Жавобингиз учун олдиндан раҳмат!
«Зикр аҳлидан сўранг» ҳайъати:
Ва алайкум ассалом! Улардан фойдаланишингизни ҳеч қандай зарари йўқ. Қачон қози оммавий тарзда халқни уларнинг савдосидан қайтарса шундагина тарк қилишингиз керак бўлади. Валлоҳу аълам!
