Имбир(занжабил) илдизи
15:26 / 23.05.2017 | Murod | 7177
Ассалому алайкум! Ҳозирда имбир дeган илдиз бўлиб, у томоққа жуда ҳам фойдалидир. У ҳалолми? 2. У Илдизни соғлиқ учун дори сифатида фойдалансак бўладими?
«Зикр аҳлидан сўранг» ҳайъати:
Ва алайкум ассалом! Бўлади. У Қуръонда ҳам зикр қилинган. Аллоҳ таоло “Инсон” сурасида марҳамат қилади :
وَيُسْقَوْنَ فِيهَا كَأْسًا كَانَ مِزَاجُهَا زَنجَبِيلًا عَيْنًا فِيهَا تُسَمَّى سَلْسَبِيلًا
17. Ва улар у(ер)да аралашмаси занжабийл бўлган қадаҳдан суғорилурлар. 18. У(ер) даги «салсабийл» номли булоқдан. Занжабийл – чуқур томир отувчи ўсимлик тури бўлиб, томири туйилиб, ундан хушбўй модда тайёрланади. Араблар ундан ўз ичимликларига қўшиб ичишни жуда-жуда севадилар. Ичувчига ҳузур бағишлайдиган, томоқдан осонлик билан ўтувчи шаробни араблар «салсабийл» деб атайдилар. «Салсабийлан» дейилганда шунга ишора қилиняпти. ("Тафсири ҳилол" китобидан). Валлоҳу аълам!
