Хадяни сотса
18:19 / 18.09.2017 | Ибн Эргаш | 4360
Ассалому алайкум! Оила аъзоларимиз менга қимматбаҳо матох хадя қилди. У нарса ҳалол ёки харом йўл билан топилганлигини билмайман. Улар ўзлари хам билишмаса керак. Чунки 10-15 йиллик вақт ўтган. Энди шу матоҳни сотиб пулини ота-онамнинг хаж сафарига кетишига сарфласам, уларга халол бўладими?
«Зикр аҳлидан сўранг» ҳайъати:
Ва алайкум ассалом! Сизга ҳадя қилинган нарса ҳаромдан эканлиги аниқ бўлса, сизга олиш жоиз эмас эди. Мабодо олган бўлсангиз уни яхши йўлга сарфлашингиз ҳам жоиз эмас. Хусусан ҳажи мабрур яъни ҳаж амали инсон онадан янги туғилганидек гуноҳлардан пок бўлиши учун унинг сарф ҳаражатлари шубҳа аралашмаган покиза молдан бўлиши керак. Агар ҳалол йўл билан топилган бўлса, сотиш сизни ихтиёрингиз. Валлоҳу аълам!
