Талоқ, идда, никох
10:29 / 01.10.2017 | Shodiyor | 6718
Ассалому алайкум! Саволим қуйидагича; Агарда аёл киши шаръий никохидаги эрининг уйидан ўз ихтиёри билан кетиб, бир неча йил ўтганидан сўнг яна бир бошқа киши билан шаръий никохдан ўтиб турмуш қурмоқчи бўлса, унинг тартиби, идда масалалари қай тартибда кўриб чиқилади? Никох, талоқ масалаларини деярли тушунмаганликлари боис талоқ сўралмаган ва ушбу сўз эр томонидан ишлатилмаган. Жавобингиз учун раҳмат!
«Зикр аҳлидан сўранг» ҳайъати:
Ва алайкум ассалом! Бу ҳолатда аёл биринчи эрнинг никоҳида ҳисобланади. Бошқа эрга никоҳланса никоҳ боғланмайди, муносабатлар ножоиз бўлади. Туғилган фарзанднинг ҳам насаби собит бўлмайди. Биринчи эридан талоқни олиш ва идда ўтириши керак. Бу масалага бир неча маротаба жавоб берилган. "Излаш хизмати"дан фойдаланинг. Валлоҳу аълам!
