Идда сақламаса
09:39 / 01.12.2017 | Obidjon | 6079
Ассалому алайкум! Бир аёл эри томонидан талоқ олса ва идда сақлаш тўғрисида маълумотга эга бўлмаса ва идда сақламай никоҳдан ўтса у аёл зино қилиб юрган ҳисобланадими? У аёл бу ҳолатда нима қилиши лозим?
«Зикр аҳлидан сўранг» ҳайъати:
Ва алайкум ассалом! Идда сақламай қилинган никоҳ, шариат томонидан эътиборга олинмайди. У никоҳ фосид никоҳ ҳисобланиб, улар тезда алоҳида бўлишлари керак. Биринчи эридан талоқ олгандан бошлаб уч ҳайз муддат ўтган бўлса, иккинчи эри қайтадан никоҳ қилиб олади. Маҳр бериши ҳам вожиб бўлади. Иккинчи эри билан қилинган биринчи фосид никоҳнинг ҳам маҳрини бериши шарт. Валлоҳу аълам!
