Намоз тўлақонлик адо этиш

Ассалому алайкум! Қадрли устозлар, мен диндор, зиёли оилада туғилганман. Ёшим 22 да. Ёшлигим кўпинча Қуръонни ёд олиш, илм ўрганиш билан ўтган. Ҳозирги кунда олийгоҳни тамомлаб, давлат ишида ишлайман. Саволим шундан иборат эдики мен намоз ўқишга қийналаман. Баъзи вақтларда ўқиб, баъзида намозни ташлаб қўяман. Намоз ўқиган пайтларимда Аллоҳдан дуоларимда ўз холимга ташлаб қўймаслигини, иймонимни ўзимга хамрох қилишини сўраб илтижолар қиламан, Қуръонни хар куни тиловат қиламан, барча катта кичик гунохлардан тийилишга харакат қиламан. Лекин яна шу хол такрорланаверади. Бунга сабаб гунохларим кўплиги бўлса керак деб ўйлаб қоламан. Лекин кўзга кўринадиган гунохларни деярли қилмайман деб ўйлайман. Зино қилмайман, қизлар билан деярли алоқа қилмайман. Ота-онамга яхши муомаладаман, алхамдулиллах улар мендан рози. Қўлимдан келганча оз топсам хам кўп топсам хам яширинча мухтожларга ёрдам бераман, ғийбатдан узоқман, исрофни суймайман. Ота-онам намозга бепарво бўлма дейишса иншаАллоҳ мустахкам бўларман, хидоят ёлғиз Аллоҳдан деб қўяман. Азиз устозлар маслахат беринглар нима қилсам ибодатга мустахкам бўла оламан? Олдиндан сизларга раҳмат! Сизларни дуо қиламан!